اختبار نفسي
تخيل انك في غابه . اوصف الغابه . وحاسس بايه ؟مطمن . فرحان زعلان .... الخ
وانت ماشي في الارض لقيت فنجان في الارض اوصف الفنجان شكله ايه ؟ وانت ماشي
هتاخده معاك ولا لا؟
وانت مكمل رحلتك فجأه لقيت اسد جاي ناحيتك . هتتعامل معاه ازاي ؟
وانت ماشي بعد شويه لقيت بحيره . اوصف البحيره دي . وهل هتنزلها لولا
تتجاهلها . هتتعامل معاها ازاي ؟
والان الي المرحله الثانيه والاخيره
انت الان في صحراء زي ما وصفت الغابه واحساسك وانت فيها اوصف الصحراء
واحساسك وانت فيها
بعد كده وانت ماشي في الصحراء لقيت صندوق شكل الصندوق ده ايه ولما تفتحه
هتلاقي فيه ايه ؟
بعد كده لقيت سلم شكله ايه السلم ده طويل قصير . ولو وقفت عليه هيشيلك
.وانت ماشي هتاخد السلم معاك ولا تسيبه ؟
وانت مكمل في الصحراء لقيت حصان اوصف الحصان كويس وبالتفاصيل وبعدين هل
الحصان هيأمنلك ؟وانت هتتعامل معاه ازاي ويا تري هتاخده معاك ولا تسيبه
اخر حاجه ... وانت ماشي في الصحراء لقيت سور السور ده طويل وعريض ومش شايف
اخره لا طول ولا عرض . هتتعامل مع السور ده ازاي تقعد تحته تستني الفرج ولا تمشي
لحد ما تجيب اخره او تحاول تفتح فيه فتحه ....
كده خلصنا .....والان الي دلاله كل سؤال بس يا ريت تكون فاكر اجاباتك
........
الغابه والصحراء هما حياتك اللي انت عايشها فاكر انت وصفتها ازاي ...!!!!
الحاجات اللي موجوده في الغابه
الفنجان هما الناس اللي انت بتقابلهم في حياتك ورأيك فيهم ايه
الاسد هي المشاكل وطريقه تعاملك معاها
البحيره بقي هي الحياه العاطفيه انت وصفت وقلت انك هتنزلها ولا لا
الحاجات اللي موجوده في الصحراء
الصندوق هو انت من جوة . فاكر وصفتها ازاي ولقيت ايه جواة
السلم هو الاصدقاء علشان كده سالنا هو هيشيلك ولا لا
الحصان هو شريك الحياه انت وصفت وقلت هتتعامل معاه ازاي
اما السور فهو بكرة (المستقبل) يا تري تعاملك معاه هيكون ازاي ...
ليست هناك تعليقات:
إرسال تعليق